Vettaiyan Trailer: இயக்குநர் டி.ஜே.ஞானவேல் இயக்கத்தில் ரஜினிகாந்த் நடிப்பில் உருவாகி இருக்கும் திரைப்படம் ‘வேட்டையன’. இந்தப் படம் வருகிற அக்டோபர் 10ஆம் தேதி ரிலீஸாக உள்ளது.
வேட்டையன் படத்தின் இசை வெளியீட்டு விழா சமீபத்தில் நடைபெற்றது. முன்னதாக இந்தப் படத்தில் நடித்துள்ள நடிகர்களை அறிமுகம் செய்யும் வீடியோக்களை படக்குழு தொடர்ச்சியாக வெளியிட்டு வந்தது.
அதன்படி ரஜினிகாந்த், அமிதாப் பச்சன், ரித்திகா சிங், துஷாரா விஜயன், மஞ்சு வாரிய், ராணா டகுபதி, பகத் பாசில், அபிராமி ஆகியோரின் கதாபாத்திரங்கள் குறித்த வீடியோ வெளியிடப்பட்டது.
வேட்டையன் படத்திற்கு அனிருத் இசையமைத்துள்ளார். இந்தப் படத்தின் டீசர் சமீபத்தில் வெளியாகி அனைவரையும் மகிழ்ச்சியில் ஆழ்த்தியது. இதனைத் தொடர்ந்து, படத்தின் டிரைலர் ரிலீஸ் குறித்து படக்குழு தகவல் வெளியிட்டது.
அதன்படி, வேட்டையன் படத்தின் டிரைலர் இன்று (அக்டோபர் 2) வெளியானது. ரஜினிகாந்த் உடல்நலக்குறைவு காரணமாக மருத்துவமனையில் அனுமதிக்கப்பட்டு இருக்கும் நிலையில் வேட்டையன் படத்தின் டிரைலர் ரிலீஸ் ஆகுவதில் சிக்கல் இருப்பதாக பேசப்பட்டது.
ஆனால், சொன்னதுபடி சரியான நேரத்தில் இன்று படத்தின் டிரைலரை படக்குழு ரிலீஸ் செய்துள்ளது. மிரட்டலான வெளியான இந்த டிரைலரை ரசிகர்கள் கொண்டாடி தீர்த்து வருகின்றனர்.
