‘PUSHPA 2’: சுகுமார் இயக்கத்தில் பான் இந்தியன் ஸ்டாரான அல்லு அர்ஜுன் நடிப்பில் வெளியான படம் ‘புஷ்பா’. 2021ஆம் ஆண்டு வெளியான இந்த படத்தின் வெற்றியைத் தொடர்ந்து கடந்த 5ஆம் தேதி ‘புஷ்பா 2’ படம் ரிலீஸானது. இப்படத்தில் ராஷ்மிகா மந்தனா, பகத் பாசில், சுனில், அனுஷ்யா ஆகியோர் நடித்திருந்தனர்.
முதல் பாகத்தின் வெற்றியை தொடர்ந்து இரண்டாம் பாகம் பிரம்மாண்டமாக வெளிவந்துள்ளது. தமிழக வசூல் விவரம் கடந்த 5ஆம் தேதி வெளிவந்த புஷ்பா 2 திரைப்படம் கலவையான விமர்சனங்கள் கிடைத்திருந்தாலும் கூட, வசூலில் பட்டையை கிளப்பி வருகிறது.
உலகளவில் இரண்டு நாட்களில் ரூ.405 கோடிக்கும் மேல் வசூல் செய்துள்ளது. இந்த நிலையில் இரண்டு நாட்களில் தமிழ்நாட்டில் செய்துள்ள வசூல் குறித்து தகவல் வெளியாகியுள்ளது. அதன்படி, ‘புஷ்பா 2’ திரைப்படம் இரண்டு நாட்களில் தமிழ்நாட்டில் மட்டுமே ரூ.15 கோடி வசூல் செய்திருக்கிறது.
