இயக்குநர் நித்திலன் சாமிநாதன் இயக்கத்தில் நடிகர் விஜய் சேதுபதியின் 50 ஆவது படமாக ’மகாராஜா’ உருவானது. இந்த படம் திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது . மேலும், இப்படம் சுமார் ரூ.100 கோடிக்கும் மேல் வசூலித்தது.
இதனால், இந்த ‘மகாராஜா’ படமானது நடிகர் விஜய் சேதுபதிக்கு மறக்க முடியாத மைல் கல்லாக மாறியது. இந்த வெற்றியைத் தொடர்ந்து இந்த படம் நெட்பிளிக்ஸ் ஓடிடி தளத்திலும் வெளியானது. அதிலும், மகாராஜா படம் பல சாதனையை படைத்தது.
இந்நிலையில், மகாராஜா படத்தின் மாபெரும் வெற்றியைத் தொடர்ந்து, இயக்குநர் நித்திலன் சாமிநாதனுக்கு சொகுசு காரை படக்குழு பரிசாக அளித்திருக்கிறது. இது குறித்த புகைப்படத்தை நித்திலன் சாமிநாதன் தனது ‘X’ பக்கத்தில் பகிர்ந்துள்ளார்.
