லியோ படத்தின் மாபெரும் வெற்றியை தொடர்ந்து சூப்பர் ஸ்டார் ரஜினிகாந்த் நடிப்புல உருவாகி வரும் கூலி திரைப்படத்தை லோகேஷ் கனகராஜ் இயக்கி வருகிறார். இயக்குநர் லோகேஷ் கனகராஜ், ‘ஜி ஸ்குவாட்’ என்ற பெயரில் தயாரிப்பு நிறுவனத்தை தொடங்கினார்.
அதில், ‘ஃபைட் கிளப்’ என்ற படத்தை தயாரித்திருந்தார். இந்த ஜி ஸ்குவாட் தயாரிப்பு நிறுவனம் அடுத்ததாக
‘பென்ஸ்’ என்ற படத்தை தயாரித்து வருகிறது. ராகவா லாரன்ஸ் நடிப்பில் பாக்கியராஜ் கண்ணன் இந்த படத்தை இயக்குகிறார்.
இயக்குநர் பாக்கியராஜ் கண்ணன் ஏற்கனவே ‘ரெமோ’, ‘சுல்தான்’ உள்ளிட்ட படங்களை இயக்கி இருக்கிறார். இந்தப் படத்திற்கு லோகேஷ் கனகராஜ் கதை எழுதியுள்ளார். விரைவில் இந்தப் படத்தின் படப்பிடிப்பு தொடங்கும் என்று கூறப்படுகிறது.
இந்த நிலையில், ராகவா லாரன்ஸின் பிறந்தநாளை ஒட்டி இப்படத்தின் க்ளிம்ப்ஸ் வீடியோ நேற்று வெளியிடப்பட்டது. அந்த வீடியோவில், இயக்குனர் லோகேஷ் கனகராஜ், தன்னுடைய யுனிவர்ஸுக்கு லாரன்ஸை வரவேற்கிறார்.
இதனால் லோகேஷ் கனகராஜின் LCU-வில் ஏற்கெனவே இருக்கும் ‘கைதி’, ‘விக்ரம்’, ‘லியோ’ உள்ளிட்ட கதாபாத்திரங்களுடன் இந்த ‘பென்ஸ்’ கதாபாத்திரமும் இணையும் என்று எதிர்பார்க்கப்படுகிறது.
