ANUSHKA: தமிழ் சினிமாவில் ரஜினிகாந்த், விஜய், அஜித்குமார், விக்ரம், சூர்யா, ஆர்யா உள்ளிட்ட முன்னணி நடிகர்களுடன் நடித்தவர் நடிகை அனுஷ்கா. இவர் தமிழ் மட்டும் இல்லாமல் தெலுங்கு, மலையாளம் உள்ளிட்ட மொழிகளிலும் முன்னணி நடிகையாக வலம் வருகிறார். இவர் நடிப்பில் வெளியான ‘பாகுபலி’ படம் அவருக்கு மிக முக்கிய படமாக அமைந்தது.
இவரது நடிப்பில் கடைசியாக வெளியான படம் ‘மிஸ் ஷெட்டி மிஸ்டர் பொலிஷெட்டி’. தற்போது இவர் கிரிஷ் ஜாகர்லமுடி இயக்கத்தில் தனது 50ஆவது படமான “காதி” என்ற படத்தில் நடித்து முடித்துள்ளார். இவர்கள் இருவரும் இணைந்து 2010 ஆம் ஆண்டு ‘வேதம்’ என்ற படத்தில் இணைந்து பணியாற்றியுள்ளனர் என்பது குறிப்பிடத்தக்கது.
இந்த திரைப்படத்தின் மூலமாக நடிகை அனுஷ்கா ஷெட்டி மலையாளத்தில் அறிமுகமாகி உள்ளார். இதற்கிடையில் நடிகை அனுஷ்காவின் பிறந்த நாளை முன்னிட்டு காதி படத்தின் பர்ஸ்ட் லுக் போஸ்டர் மற்றும் கிளிம்ப்ஸ் வீடியோவை வெளியிட்டனர்.
காதி பான் இந்தியா திரைப்படமாக தெலுங்கு, தமிழ், கன்னடம், மலையாளம் மற்றும் இந்தி மொழிகளில் வெளியாகவுள்ளது குறிப்பிடத்தக்கது. இந்த நிலையில் தற்போது இப்படத்தின் ரிலீஸ் குறித்த அறிவிப்பு வெளியாகி உள்ளது. அதன்படி இப்படம் அடுத்த ஆண்டு ஏப்ரல் மாதம் 18ஆம் தேதி வெளியாக உள்ளது. அதிக பட்ஜெட் மற்றும் உயர்மட்ட தொழில்நுட்ப தரத்தில் பிரமாண்டமான திரைப்படமாக காதி உருவாகி உள்ளது.
