மகனை தயார் செய்யும் நடிகர் அஜித்.. சினிமாவுக்கு அல்ல கார் ரேஸுக்கு

AK: தமிழ் சினிமாவின் முன்னனி நடிகரான அஜித், தற்போது கார் ரேஸில் அதிகம் கவனம் செலுத்தி வருகிறார். சமீபத்தில் துபாயில் நடந்த கார் ரேஸில் அவர் மூன்றாவது இடம் பிடித்தார். அதனைத் தொடர்ந்து இத்தாலியின் முகல்லோ டிராக்கில் நடந்த போட்டியிலும் மூன்றாம் இடம் பிடித்தார்.

இந்த நிலையில் நடிகர் அஜித் தற்போது சென்னைக்கு திரும்பி இருக்கிறார். தொடர்ந்து, நடிகர் அஜித் தனது மகன் ஆத்விக்-கு கார் ரேஸ் செய்ய பயிற்சி கொடுத்துள்ளார். சென்னையில் கோ கார்ட் ட்ராக்கில் தனது மகனை வண்டி ஓட்ட வைத்து இருக்கிறார் அஜித்.

இதுகுறித்த புகைப்படங்கள் மற்றும் வீடியோக்கள் தற்போது சமூக வலைத்தளங்களில் வெளியாகி இணையத்தில் வைரலாகி வருகிறது. மேலும், இந்த வீடியோக்களை அஜித் ரசிகர்கள் பகிர்ந்து தங்களது மகிழ்ச்சியை வெளிப்படுத்தி வருகின்றனர்.