Lubber Pandhu: இயக்குநர் தமிழரசன் பச்சமுத்து இயக்கத்தில் ஹரிஷ் கல்யாண் மற்றும் அட்டகத்தி தினேஷ் இணைந்து கதாநாயகர்களாக நடித்துள்ள படம் ‘லப்பர் பந்து’. இந்தப் படத்தை பிரின்ஸ் பிக்சர்ஸ் நிறுவனம் தயாரித்துள்ளது.
வெப் சீரிஸ்களில் நடித்ததன் மூலம் பிரபலமான சஞ்சனா கிருஷ்ணமூர்த்தி இந்த படத்தில் கதாநாயகிகளாக நடித்துள்ளனர். மேலும் தேவதர்ஷினி, பால சரவணன் உள்ளிட்ட பல முன்னணி நடிகர்கள் முக்கிய கதாபாத்திரங்களில் நடித்திருக்கின்றனர்.
இந்த படத்துக்கு ஷான் ரோல்டன் இசையமைத்துள்ளார். தினேஷ் புருஷோத்தமன் ஒளிப்பதிவு செய்துள்ளார். நடிகர் ஹரிஷ் கல்யாண் நடித்த படங்களில் ‘லப்பர் பந்து’ ஒரு சிறந்த படமாக பார்க்கப்படுகிறது. இந்த படத்திற்கு ரசிகர்களிடமிருந்து பாராட்டுகளும் கிடைத்துள்ளன.
கிரிக்கெட் விளையாட்டை மையமாக வைத்து குடும்ப படமாகவும் இந்த படம் உருவாகியுள்ளதால் அனைத்து தரப்பு ரசிகர்களையும் கவர்ந்துள்ளது. ஹரிஷ் கல்யாண் இந்த திரைப்படத்தில் அன்பு என்ற கதாபாத்திரத்தில் நடித்துள்ளார்.
‘லப்பர் பந்து’ திரைப்படம் கடந்த செப்டம்பர் 20ஆம் தேதி ரிலீஸ் ஆகி ரசிகர்களிடம் நல்ல வரவேற்பை பெற்றது. இந்த படம் 25ஆவது நாளில் அடி எடுத்து வைத்துள்ளதை படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது.
இந்த நிலையில் தற்போது இந்த படத்தின் ஓடிடி ரிலீஸ் தேதி குறித்த அப்டேட் வெளியாகி உள்ளது. அதன்படி, இந்தப் படம் வருகிற அக்டோபர் 18ஆம் தேதி சிம்பிலி சவுத் ஓடிடி தளத்தில் வெளியாக உள்ளது. திரையரங்குகளில் மக்கள் கொடுத்த வரவேற்பு ஓடிடி தளத்திற்கும் கிடைக்கும் என எதிர்பார்க்கப்படுகிறது.
