Thalapathy 69: நடிகர் விஜய் நடிப்பில் வெளியான திரைப்படம் ‘தி கோட்’. இந்த திரைப்படம் மாபெரும் வெற்றிப் பெற்றுள்ளது. அடுத்ததாக தளபதி 69 படத்தில் விஜய் நடிக்க தயாரிகியுள்ளார். இந்தப் படம் தான் விஜய் நடிக்கும் கடைசி படம் என கூறப்படுகிறது.
அதற்கடுத்து முழுவதுமாக அரசியல் பணியில் ஈடுப்படவுள்ளதாக விஜய் கூறியிருந்தார். தளபதி 69 படத்தை தீரன், துணிவு படங்களை இயக்கிய எச். வினோத் இயக்கவுள்ளார். இந்தப் படத்திற்கு அனிருத் இசையமைக்கவுள்ளார்.
இந்தப் படம் அடுத்தாண்டு அக்டோபர் மாதம் வெளியாகவுள்ளதாக கூறப்படுகிறது. பிரபல தயாரிப்பு நிறுவனமான கே.வி.என் நிறுவனம் தயாரிக்கிறது. இந்நிறுவனம் தமிழில் தயாரிக்கும் முதல் படம் இதுவாகும்.
அனிமல் படத்தில் வில்லனாக நடித்து அசத்திய பாபி தியோல் இப்படத்தில் முக்கிய கதாப்பாத்திரத்தில் நடிக்கவுள்ளார் என படக்குழு அறிவித்துள்ளது. இந்நிலையில் சில மணி நேரங்களுக்கு முன்பு இந்த படம் குறித்த புதிய அப்டேட் ஒன்று வெளியானது.
அதன்படி, இப்படத்தில் கதாநாயகியாக பூஜா ஹெக்டே நடிக்கவுள்ளதாக படக்குழு இன்று அறிவித்துள்ளது. பூஜா ஹெக்டே ஏற்கனவே பீஸ்ட் படத்தில் விஜய்க்கு ஜோடியாக நடித்துள்ளார் என்பது குறிப்பிடத்தக்கது. இதனைத் தொடர்ந்து தற்போது அடுத்த அப்டேட் ஒன்று வெளியாகியுள்ளது.
அதில், விஜய் நடிக்கும் தளபதி 69 திரைப்படத்தில் மலையாள நடிகை மமிதா பைஜு இணைந்துள்ளதாக தகவல் வெளியாகியுள்ளது.
இவர், சமீபத்தில் வெளியாகி ரசிகர்களிடம் நல்ல வரவேற்பு பெற்ற ‘ப்ரேமலு’ படத்தின் மூலம் பிரபலமடைந்தவர்.
